Nisokatra tamin’ny fomba ofisialy ny Fampiofanana ho an’ny Mpampiofana (Formation des Formateurs) izay notanterahina tao amin’ny biraon’ny FDL Anosy ny 11 hatramin’ny 14 martsa 2025.

Mpandray anjara sy votoatin’ny fiofanana

Mpandray anjara amin’ity andiany voalohany ity ny 50 mpiasan’ny Minisiteran’ny Fitsinjaram-pahefana sy ny Fanajariana ny Tany (MFFTT). Natao hampahafantarana sy hanofanana azy ireo amin’ireto lohahevitra manaraka ireto ny fiofanana :

• Fampianarana olon-dehibe (Andragogie),

• Fomba fiasa mirindra sy iarahan’ny rehetra mandray anjara,

• Fampandrosoana ifotony tsy anavahana,

• Fiovan’ny toetrandro sy tontolo iainana.

Tanjon’ny fiofanana

Ny tanjona dia ny hanome traikefa ara-teknika sy fahaiza-manao mahakasika ny fampiofanana ireo mpiasan’ny minisiteran’ny Fitsinjaram-pahefana, mba hahafahan’izy ireo mampita izany any amin’ny kaominina sy vondrom-bahoaka itsinjaram-pahefana.

Fiaraha-miasa sy fizarana traikefa

Anisan’ny manome fanazavana sy mizara traikefa mandritra ny fiofanana ny :

• Minisiteran’ny Tontolo Iainana sy ny Fampandrosoana Lovain-jafy (MEDD),

• MSIS-TATAO, izay mandray anjara amin’ny fanatanterahana tetikasa ifotony.

Fanokafana ofisialy

Tonga nanome voninahitra sy nanokatra tamin’ny fomba ofisialy ny fiofanana ny :

• Tale Jeneralin’ny Fitsinjaram-pahefana sy ny Fampandrosoana Ifotony,

• Tale Jeneralin’ny Ivo Toerana Nasionaly momba ny Fitsinjaram-pahefana sy ny Fampandrosoana Ifotony (INDDL), ny 11 martsa 2025.